Alternativa dos Veciños vota en contra duns orzamentos opacos nos cales se repiten gastos sen executar do exercicio anterior sen xustificación algunha por parte dos responsables do Goberno.

A voceira de Alternativa dos Veciños de Culleredo, Alicia Ferreiro, denunciou durante o debate plenario dos orzamentos para 2019 en Culleredo a falta de transparencia do Goberno na presentación do documento. “Vostedes están a pedir un acto de fe. A concelleira de Facenda non especifica unha gran cantidade de gastos como o medio millón de euros para a adquisición duns terreos que non sabemos de que vai”, asegurou Ferreiro. A voceira acusou tamén ao alcalde de non cumprir a súa promesa de ter feitos os contratos de auga, axuda a domicilio, limpeza viaria ou servizo de grúa.

Na súa resposta, o alcalde de Culleredo, lonxe de responder ás preguntas formuladas por Alternativa dos Veciños dedicouse a descualificar o papel da concelleira de Alternativa e a recriminar o feito de se informase á Fiscalía das actividades irregulares do Goberno con respecto aos reparos da Intervención.Na subseguinte réplica, a voceira de Alternativa dos Veciños afeou esa actitude ao alcalde e lembroulle que non estaba a responder ningunha das preguntas sobre os orzamentos.

Ferreiro lembrou así mesmo a Riobóo que Alternativa acudiu á Fiscalía obrigada porque mes tras mes o alcalde “leva centos de miles de euros en reparos, doscales a Interventora Municipal informaque procede contratar unha auditoría para controlar os servizos realizados por outras empresas”.

Mentres o Goberno saca adiante este orzamento sen consenso e sen explicar por que non executa elevadísimas partidas de gasto, o mantemento de Culleredo é pésimo, con centos de solicitudes veciñais sen escoitar. Os cartos públicos débense invertir con responsabilidade e transparencia, e un alcalde ten que ser serio e dar exemplo