[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
A Xunta terá que afrontar os máis de 60.000 euros de danos causados polos xabarís nas zonas verdes municipais
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]A responsable do PP de Oleiros, que tan obsesionada está co Goberno municipal e co alcalde, non está a amosar o mesmo grao de preocupación polos graves problemas que están a provocar os xabarís en Oleiros. A Xunta de Galicia, que ten as competencias na materia, non está a facer absolutamente nada para intentar resolver unha situación que afecta tanto ás zonas verdes públicas como ás propiedades privadas dos veciños e veciñas.
Ademais de estragos en fincas privadas e accidentes de circulación, os danos nos parques municipais e zonas verdes xa superan os 60.000 euros. Ante esta situación o Concello vai notificar á Consellería de Medio Ambiente o custo das reparacións realizadas para que afronte o seu pagamento. As zonas máis afectadas son a avenida Che Guevara, o parque da Barreira, o parque Nelson Mandela, a praza da Baía, o carril bici de Cabreira, o parque das Galeras, o parque de Bastiagueiro e o parque da Lagoa de Mera.
Mentres o Partido Popular non actúa desde a Xunta para resolver o grave problema que provoca o xabaril, dedícanse a fomentar a Festa da Banderita. A bandeira do Concello de Oleiros foi aprobada polo pleno municipal no ano 2005. Trátase dunha bandeira galega, co escudo de Oleiros, cun pano verde e cunha estrela.
“O parecido entre a bandeira de Oleiros e a da República de Cuba é como comparar o día e a noite. O caso é difamar. Continuamente están a calumniar as políticas municipais e a distorsionar a realidade da vida no Concello. Despois do serial da compra legal, en poxa pública, dunha das parcelas que vendía o Concello, agora pasan ao tema da bandeira”, comentou o alcalde Ángel García Seoane.[/vc_column_text][/vc_column][/vc_row]
