Un novo impulso ás obras públicas está fraguándose no Concello promovido polo grupo da Alternativa dos Veciños. Algúns deles están xa aprobados no capítulo de investimentos de 2024 e outros están en fase de proxecto, polo que están recibindo os seus primeiros avances.
Os que figuran na axenda de 2024 son, entre outros, os seguintes:
— 2 tramos de beirarrúas en estrada de Ferrol
— Pavimentación camiño da Areosa
— Execución de redutores de velocidade en camiños veciñais
— Asfaltado de camiños en todas as parroquias
— Mellora acceso praza pública de Lubre
— Rehabilitación enerxética centros sociais de Santa Marta e Cangas
— Arranxo tellado antiga escola de Santa Marta
Os outros proxectos nos que están traballando tanto os servizos técnicos como os concelleiros da Alternativa son, por exemplo:
— Construcción de senda peonil que unirá a rotonda de Gandarío con Cangas e co Casal de Ouces.
— Construcción de senda peonil entre a rotonda da Longueira e San Cidre, con ramal ata o mosteiro de San Salvador.
— Construcción de local específico para uso do colectivo de cazadores de Bergondo.
— Saneamento en parte do núcleo de Fiobre que aínda carece deste servizo.
