Abre o prazo de solicitude de subvencións deportivas 2019 da Deputación da Coruña
Desde hoxe as entidades deportivas da provincia poden realizar a súa solicitude para optar ás subvencións para actividades, participación en competicións federadas, celebración de grandes eventos deportivos, infraestructuras e equipamento ofrecidas pola Deputación da Coruña para este ano 2019.
O pasado mércores 20 de febreiro o Boletín Oficial da Provincia (BOP) publicou as bases específicas e a apertura do prazo para a presentación de solicitudes de subvencións para entidades deportivas da provincia a través dos programas:
- FO103A: para a realización de actividades de fomento da actividade física e do deporte durante o ano 2019
- FO103B: para clubs deportivos da provincia, sen ánimo de lucro, con equipos ou deportistas que participen en competición federada de ámbito local, provincial, ou autonómico durante o ano 2019
- FO103C:para clubs deportivos da provincia, sen ánimo de lucro, con equipos ou deportistas que participen en competición federada de ámbito nacional ou internacional durante o ano 2019
- FO103D: para o desenvolvemento de grandes eventos deportivos singulares de especial interese na provincia durante o ano 2019
- FO104: para infraestruturas e equipamento deportivo durante o ano 2019
- Período de presentación: do 21 de febreiro de 2019 ao 15 de marzo de 2019 ás 14:00 horas.
- Tramitación: Tanto as solicitudes como o resto da tramitación realizarase por vía telemática a través da plataforma SUBTEL da deputación da Coruña, accesible a través do seguinte enlace: https://sede. dacoruna.gal/.
PODES DESCARGAR AS BASES ESPECÍFICAS DE CADA PROGRAMA
