Sen solucións para a falta de aparcadoiro de Portádego

Alternativa volveu a levar a pleno a falta de avances respecto aos problemas de aparcadoiro na contorna do Centro de Saúde do Portádego e cuestionou o bo funcionamento do aparcadoiro limitado.

A veciñanza continúa á espera de que o goberno municipal cumpra o compromiso de dotar de novas prazas a zona.

O grupo solicitou información sobre o funcionamento da limitación horaria no Centro de Saúde, xa que a veciñanza traslada que non se está a empregar correctamente, continúa a haber coches en dobre fila e non se están a sinalizar os horarios correctamente.

Por outra banda, Alternativa tamén demandou coñecer os avances respecto ao aparcadoiro que anunciaron o pasado mes de setembro para o persoal do centro de saúde, que permitiría liberar algunhas prazas na zona.

Dende Alternativa sinalan que seguirán insistindo na situación ata que se plantexen melloras na situación.

Comparte esta nova!

Máis novas