Satisfacción pola aprobación dos orzamentos municipais de Sada

Desde Alternativa dos Veciños primeiramente estamos satisfeitos cun incremento nas partidas das nosas áreas, pero remarcando que o gasto nas mesmas dende a pandemia foi inferior ou similar, e anteriormente á dita situación sanitaria, renunciando a proxectos e iniciativas en prol doutras áreas. É curioso comprobar como despois dunha pandemia mundial, o orzamento en Saúde dende 2019 a 2022 incrementase un 10%. Nos consideramos fundamental cumprir coa lexislación vixente, supeditando o noso apoio dos orzamentos a algo comentado continuamente durante o último ano en reunións de Goberno, o compromiso do alcalde a sacar a licitación servizos como asesoría xurídica e procurador, redaccións de proxectos e xefes de obra, e outros como combustibles, telefonía móbil, etc. co fin de optimizar un orzamento, xa de por si comprometido, para que o funcionamento e operatividade dos diversos procesos e actuacións das futuras empresas concesionarias sexa eficiente, fiscalizando e reclamando no caso de que así fose requirido.