Nada máis tomar posesión, o Goberno Municipal de Alternativa reuniuse coa Xefatura Territorial de Infraestruturas e Mobilidade para abordar a tan demandada prohibición de adiantamentos e redución de velocidade en toda a recta de Anchoa.
Na citada reunión adquiriuse o compromiso do Xefe da área de mobilidade, Felipe de la Vega, que se comprometeu a iniciar de inmediato as obras pertinentes para mellorar a seguridade viaria e peonil.
Sen máis tardar, a principio do mes de agosto xa se levaron a cabo os traballos acordados, quedando prohibidos os adiantamentos e limitada a velocidade a 50 quilómetros por hora.
