Os grandes avances que conseguiron as democracias europeas en materia de igualdade e liberdade están poñéndose en risco debido ao apoio dun crecente número de persoas a partidos fascistas.
Os datos de dous estados alemáns, Francia e Italia poñen en cuestión a viabilidade de sistemas que ata o de agora foron estables e produciron evidentes avances sociais.
Que sucede cos partidos progresistas? Por que os abandonan certo número de votantes para entregarse ao autoritarismo e ao fascismo? Esta é a reflexión que debe mover á esquerda en toda Europa, según manifestou o presidente da Alternativa, Ángel García Seoane, a unha emisora de radio.
Eses grandes avances en infraestruturas, cultura, benestar social, tolerancia, respecto ás distintas confesións relixiosas e en convivencia entre distintas etnias e culturas, que hoxe son as principais vítimas do fascismo e a intolerancia.
A resposta a esta degradación e descrédito das democracias europeas vense dando da man de gobernos que se poñen de costas ao electorado: incumpren programas electorais, saquean as arcas do estado, abandonan a colectivos que lles prestaron o seu apoio, e non son quen de dotarse de liderazgos sólidos, capaces de personalizar as aspiracións da xente.
Estas convírtense na causa do forte avance dos extremismos fascistas, homófobos, machistas e demagóxicos que queren destruir o sistema democrático desde dentro, utilizando os propios mecanismos do sistema para tratar de reventalo, tal como acontece con personaxes tan relevantes na escena internacional como Trump ou Milei.
