Non foi sen tempo. España recoñeceu por fin o Estado Palestino, uníndose así á decisión que xa tomaran a gran maioría dos estados do mundo e bastantes europeos. Coa decisión de España, Irlanda e Noruega son 142 países (de 193) os que apoian que Palestina é un estado con todo o dereito.
Máis aló dos efectos prácticos na cruel guerra americano-israelita para facerse con todo o territorio palestino, resulta de gran poder simbólico a oficialización deste recoñecemento, anunciado solemnemente polo presidente Pedro Sánchez na Moncloa e aprobado posteriormente polo Consello de Ministros e Ministras.
O noso país súmase así aos estados que conciben Palestina segundo as fronteiras de 1967, coa capital dese estado en Jerusalén Este.
Porén, os amos do mundo, entre os que se atopan Estados Unidos, Xapón, Australia, Corea do Sur, Reino Unido, Alemania ou Francia, continúan apoiando a Israel no seu xenocidio. Sen este apoio, os milleiros de persoas mortas e a destrución de pobos e cidades que está acometendo Israel sería imposible.
