[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Patrimonio confirma que o Concello de Arteixo non contaba con autorización para destruír a represa da Ponte dos Brozos
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
Alternativa dos Veciños de Arteixo recibiu contestación, máis de tres meses despois de presentar denuncia, por parte de Patrimonio Cultural da Xunta de Galicia, na que se confirma que o Concello de Arteixo non contaba con autorización para destruír a represa da Ponte dos Brozos
O pasado mes de febreiro, Alternativa dos Veciños notificou a Patrimonio Cultural da destrución da represa da Ponte Románica dos Brozos e, que se lle informase se Patrimonio Cultural da Xunta de Galicia concedeu algún permiso para destruír a represa da Ponte dos Brozos. Na mesma solicitude Alternativa tamén demandaba a Patrimonio Cultural, que se non se concedeu permiso, que procedese a abrir unha investigación e que os responsables pagasen por cometer o delito de atentar contra un monumento público de interese cultural.
“Por fin, tres meses despois de presentar a denuncia, recibimos contestación por parte de Patrimonio Cultural da Xunta de Galicia. Tal como supoñiamos, Patrimonio confirma que o Concello de Arteixo non contaba con ningún permiso para destruír a represa da Ponte dos Brozos. Patrimonio Cultural infórmanos na contestación que o 28/04/2021 déuselle un prazo dun mes ao concello de Arteixo para presentar proxecto de reposición da legalidade xunto co documento técnico que xustifique o realizado” apunta Juanfran Martínez, coordinador de Alternativa en Arteixo.
A Ponte dos Brozos é unha ponte románica que está recollida e catalogada por Patrimonio Cultural da Xunta de Galicia e tamén nas Normas Subsidiarias vixentes no concello de Arteixo.
“É incomprensible que Patrimonio solicite, neste caso, a reposición da legalidade, xa que non existía motivo algún urxente para destruír a represa da Ponche dos Brozos, e moito menos, sen contar cos pertinentes permisos ao tratarse dun monumento público de interese cultural catalogado por Patrimonio Cultural. A represa da Ponte non supoñía ningún perigo inminente nin nada semellante. Isto trátase dun delito de atentar contra un monumento público de interese cultural, e por iso, que Patrimonio debe incoar o pertinente expediente sancionador” matiza Juanfran Martínez.
[/vc_column_text][/vc_column][/vc_row]
