[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Preto de mil persoas participan nas asembleas electorais previas ás eleccións primarias
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]Un total de 934 persoas participaron nas asembleas electorais que Alternativa dos Veciños celebrou en todas as localidades de Oleiros para elixir ás persoas que participarán nas eleccións primarias do vindeiro 2 de febreiro. Nun proceso totalmente aberto e democrático, no que calquera persoa podía presentarse, saíron elixidas 28 persoas.
Para seleccionar ás 24 persoas que integrarán a lista electoral definitiva celebraranse unhas eleccións primarias o sábado 2 de febreiro no pavillón Arsenio Iglesias de Santa Cruz. Calquera veciño ou veciña de Oleiros maior de 18 anos poderá votar. Segundo os resultados, atendendo ás leis de paridade, á representatividade territorial e á formación da mellor candidatura posible, configurarase a lista electoral definitiva de 24 persoas coa que Alternativa se presentará aos comicios.
Para informar aos veciños e veciñas de Oleiros da celebración destas eleccións primarias, Alternativa dos Veciños sempre enviaba a todos os domicilios as papeletas para participar nas votacións. Por primeira vez, e debido á Lei de Protección de Datos, non será posible realizar este envío personalizado. Aínda así, empregaranse outros medios para divulgar e informar o máximo posible sobre esta votación, que hai 4 anos contou coa participación de 3.160 persoas.
María José Varela, José Manuel Caridad e Gonzalo López representarán a Dorneda nas primarias. Rosa Méndez, Igor Pérez e Nanda Pérez foron as elixidas en Dexo. De Nós acudirán Belén Taboada, Antonio Molinos e Óscar Brandariz. Por Mera Marga Figueroa, Pablo Cibeira, María Siso, Mapi Taibo e Francisco Pita. Os candidatos de Oleiros serán Teresa Vázquez, Cristina Cebreiro e Noé Espantoso. En Iñás escolleron a Jaime Rumbo, Óscar Deus e Pamela Vázquez. En Liáns sairon elixidos Esther Garrido, María José Santos, Gonzalo Cancela e Marta Martínez. E na asamblea celebrada onte en Perillo Ángel García Seoane, Sandra Fernández, Luismi Escourido e María Fraga foron os máis votados.
Non presentaron a súa candidatura nas súas respectivas asembleas locais os actuais concelleiros Ignacio Crespo, Iria Barreiro, Rodrigo López e Marcos Regueira. Motivos persoais fixéronlles tomar esta decisión, que non impedirá que sigan traballando e colaborando de maneira activa con Alternativa dos Veciños. Os catro están a desenvolver un magnífico traballo no Concello de Oleiros, polo que Alternativa dos Veciños quere agradecer publicamente a súa dedicación.[/vc_column_text][/vc_column][/vc_row][vc_row][vc_column][vc_column_text]
[infogram id=”eleccions-primarias-2019-1hnp27pd8r0y2gq?live”][/vc_column_text][/vc_column][/vc_row]
