O Concello convoca unha nova quenda anual de subvencións para entidades deportivas locais sen ánimo de lucro para a promoción e impulso de actividades deportivas durante este ano 2024. O total das subvencións chega a 97.000 euros entre todos os colectivos.
Quérese fomentar a práctica do deporte en xeral, e particularmente o deporte de base, ademais de incentivar o rendemento deportivo, a participación en competicións de alto nivel; promover a actividade de clubs e entidades deportivas do municipio e estimular o asociacionismo deportivo escolar e xuvenil.
Calquera entidade deportiva inscrita no Rexistro Municipal de Entidades do Concello de Oleiros antes do 31/12/2023 pode presentarse á convocatoria, que ten aberto o prazo ata o 2 de xullo a través da Sede Electrónica do municpio.
