[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Alternativa dos Veciños manifesta a súa preocupación diante dos continuos ataques dos vándalos aos bens públicos, especialmente nos parques infantís de Fiobre e Cortiñán
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
Juan Fariña, concelleiro de infraestruturas, urbanismo e medio ambiente de Bergondo -e voceiro de Alternativa dos Veciños no noso municipio- ven de solicitar á Garda Civil a colaboración, tan necesaria, para tentar combater o vandalismo que se está a dar con intensidade en determinados espazos públicos do noso municipio.
Refírese especialmente aos parques infantís, e en maior medida nos de Fiobre e Cortiñán (a carón do centro social da parroquia). O concelleiro quere agradecer a comprensión e receptividade amosada por un responsable do instituto armado diante do problema e o compromiso amosado por este no sentido de tentar facer un seguimento e vixiar de preto o que está a suceder nestes lugares sinalados. “É preciso atallar o problema antes de que vaia a maís”, sinala Fariña.
Por outra banda, Fariña pide tamén a colaboración veciñal; “É importante que a cidadanía -por suposto sen expoñerse- notifique o que vexa, no momento que o estea vendo, neste caso, á Garda Civil, chamando ao número de teléfono 062. E tamén, aportando, se é posible, algunha información de utilidade sobre a identidade dos delincuentes que están atentando contra o que é de todos e contra o descanso e paz das persoas. Porque moito nos tememos que, en ambos os caos, os autores non son precisamente de lonxe”.
[/vc_column_text][/vc_column][/vc_row]