Sada necesita un novo depósito de auga para garantir a subministración en todas as zonas urbanas do municipio, tanto en novas rúas como nas que xa sofren problemas, especialmente durante os meses de verán.

Na actualidade o municipio só conta cun único depósito no alto de Castelo, pegado aos dous que ten nese mesmo lugar o Concello de Oleiros. A tubaxe de abastecemento que desde Bergondo abastece a ambos concellos debe ser ampliada por Emalcsa, a empresa distribuidora da auga. Ademais debe abordarse con urxencia un estudo para planificar a mellora do servizo.