Utilizando datos oficiais dos exercicios 2021, 2022 e a xestión inicial de 2023, que o Concello de Cangas mantivo unha posición financeira sólida e
con liquidez durante o mandato do Goberno de Alternativa presidido por Victoria Portas , refutando as declaracións públicas realizadas por BNG, PSOE e IU.
- Sobre a afirmación: “Cando chegamos en xuño do 2023 non había nin un céntimo na caixa”… Os datos das Contas Xerais demostran unha sólida solvencia e liquidez nos exercicios previos ao cambio de goberno en xuño de 2023:
Exercicio 2021: Fechou con cartos dispoñibles
O Concello pechou o ano 2021 con superávit e liquidez, a pesar de traballar cun orzamento prorrogado herdado de 2020 (€15.474.514,94) . O resultado orzamentario foi positivo, superando os 2,2 millóns de euros; o remanente de tesouraría (diñeiro líquido dispoñible despois de pagar as obrigacións) superou os 1,88 millóns de euros e como exemplo da liquidez, a 31 de decembro de 2021, o Concello tiña un saldo bancario de 1.453.635,44€ nunha conta do Banco Santander.
Exercicio 2022: Mantemento do aforro
O Concello continuou traballando con orzamentos prorrogados e pechou 2022 ( xa que a oposición votou en contra) cun resultado financeiro positivo. O resultado neto (aforro) ascendeu a un superávit de 3.212.761,66 euros. A 31 de decembro de 2022, o Concello dispoñía de 1.160.785,61 euros nos bancos.
No ano 2022 o Concello de Cangas conseguiu dous logros importantísimos , un a saída do Plan de Axuste do Ministerio de Hacienda; un avance conseguido, por ter un remanente de tesourería superior ao millón de euros, grazas a xestión realizada e recoñecida na comunicación do Ministerio de Hacienda.
Conseguíronse realizar grandes investimentos como a iluminación pública, executando un gasto de 3,6 millóns de euros sen endebedar ao concello, que ademais levou un premio a nivel nacional.
Xestión en 2023 (ata xuño): Financiamento con fondos propios
A documentación confirma que os proxectos importantes, como a renovación LED, realizáronse co Concello “adelantando la totalidad del coste del proyecto”. Isto foi posible “con fondos propios grazas ao remanente que se xerou polo control de gasto”. De feito, a subvención da IDAE de 2,7 millóns de euros para as luces LED foi ingresada o 28 de agosto de 2023, dous meses despois de que o Goberno de Alternativa deixase o poder, o que proba que o investimento inicial se fixo con cartos que existían na caixa, e que se deixou liquidez suficiente para o novo goberno.
Conclusión sobre a liquidez:
Os datos financeiros (2021 e 2022) demostran que o Goberno de Alternativa xerou continuamente superávit e mantivo máis dun millón de euros en remanente de tesourería, permitindo afrontar grandes investimentos con fondos propios ata a entrega do mandato en xuño de 2023.
- Sobre a Afirmación: “Deixara unha débeda de un millón con provedores” e a aprobación de orzamento para introducila
Os datos do Período Medio de Pago (PMP) aos provedores reflicten a axilidade do Goberno de Alternativa para pagar as súas obrigacións, o que contradí a idea de deixar unha débeda masiva pendente:
- En 2021, o Concello pechou o ano cun PMP medio de só 1,36 días para o pago aos seus acredores comerciais, moi por debaixo do límite legal (30 días).
- En 2022, o Concello seguiu sendo moi rápido, pechando o ano cunha media de pago de só 4,09 días. O cumprimento co PMP, que se situou en 2,27 días (segundo os criterios para a saída do Plan de Axuste), foi clave para que o Concello saíse do Plan de Axuste do Ministerio de Hacienda.
Xestión de 2023 e o Ciberataque
O goberno de Alternativa xestionou as contas ata o 18 de xuño de 2023, pero a actividade viuse paralizada desde o 19 de maio de 2023 por un ataque cibernético.
O PMP ascendeu a 39,96 días no período inicial de 2023, debido a esta paralización. A Fiscalía confirmou que o ciberataque imposibilitou a saída de determinados recursos. Pero é crucial notar que, aínda co ataque, as operacións que foron pagadas se liquidaban rapidamente (en 16,78 días), pero as operacións pendentes (afectadas pola paralización) tiñan un atraso considerable (74,40 días).
O Período Posterior ao Cambio de Goberno
A pesar de que a xestión de Alternativa só durou 5 meses en 2023 (e estivo paralizada por un ciberataque no último mes), o propio documento suxire que o problema do PMP empeorou exponencialmente despois do cambio de goberno. Xa que o PMP, xa baixo o novo goberno, non deixou de medrar, alcanzando os seguintes rexistros en 2024:
◦ Primeiro Trimestre (1º T): 68,74 días.
◦ Segundo Trimestre (2º T): 93,84 días.
◦ Terceiro Trimestre (3º T): 125,39 días.
A pesar de ter un orzamento novo e aprobado grazas a Alternativa dos Veciños de 19.278.632,18 € ( 3.8 millóns máis).
Conclusión sobre a débeda e o PMP
O Goberno de Alternativa demostrou unha xestión áxil nos pagos (1.36 a 4.09 días). As cifras posteriores á entrada do novo goberno (ata 125.39 días) mostran que o PMP continuou a empeorar significativamente. O documento non confirma a existencia dunha débeda específica de un millón de euros, pero si contradí a idea de que o goberno saínte operaba con malos hábitos de pago, ao contrario, a xestión anterior era
exemplar.
O goberno de Alternativa non só deixou cartos dispoñibles para a Corporación entrante, senón que tamén conseguiu que o Concello de Cangas saíse do Plan de Axuste, un fito baseado no control do gasto, o remanente de tesourería (máis dun millón de euros) e o cumprimento rigoroso do prazo medio de pago aos provedores e conseguiu a Subvención mais importante do noso concello. Ambos fitos recoñecidos por organismos externos e tapado dentro do noso concello.
As afirmacións do novo goberno (BNG, PSOE, IU) están dentro do marco de xustificar a súa “ineficaz xestión” e a pretensión de votar as culpas a quén non as ten. É triste que un goberno de esquerdas se apoie en intentar marchar a xestión de outro goberno de esquerdas para tapar as súas propias deficiencias. Xestionar un concello non é quitar fotos nin pagar favores, é traballar ata altas horas do día e facer o máximo cos recursos mínimos dos que se dispón.
