Un impresionane muro de pedra que separa a N6 de Jardilán derrubouse a causa das choivas que soportou, nunha obra que apenas ten un ano. Un fallo técnico que alomenos non produciu vítimas pero que crea unha enorme inquedanza debido á magnitude da obra realizada, un cruzamento a tres niveis entre a vía radial e a Vía Ártabra que non foron quen de rematar.
Con ser un derrubamento espectacular, do que ten que dar conta a conselleira Etel Vázquez e os responsables técnicos da obra, non é o maior problema desta intervención, entre os concellos de Oleiros e Sada.
A chapuza administrativa coa que se planificou a obra, unida aos inconfesables intereses dalgún concelleiro de Cambre conxugáronse para interromper a obra en Iñás unha vez que xa se tiña adiantado precisamente neste cruzamento no que se produciu o sinistro.
Razóns ambas polo que o alcalde de Oleiros, Ángel García Seoane, recomendou ao presidente da Xunta para que mude de concelleira no seu futuro goberno, pendiente aínda de ser nomeado tras as pasadas eleccións.
