O paso de maquinaria pesada deteriorou os camiños e a súa contorna, deixando firmes en mal estado e agravando as baixadas de escorrentías que discorren ata Xontes (Sumio).
Esta situación repítese con frecuencia tras este tipo de actuacións , xa que nalgunhas ocasións as empresas realizan a corta e a retirada da madeira sen a correspondente reparación posterior dos danos ocasionados.
Por este motivo, Alternativa presentou un escrito dirixido ao Alcalde instando á elaboración dun informe por parte da Policía Local e do persoal técnico de Medio Ambiente para avaliar o estado da zona afectada e, se procede, esixir á empresa responsable a reposición dos camiños ás condicións previas ao s traballos.
A formación solicita que se adopten as medidas necesarias coa maior brevidade posible para garantir a seguridade, a conservación dos camiños públicos e a protección da contorna.
