O Concello de Oleiros subvencionará os colexios, as ANPA e as entidades deportivas, culturais e sociais con 273.200 euros
O Concello de Oleiros abre a convocatoria de subvencións dirixida ás entidades locais para a promoción e difusión da cultura e do deporte para este ano 2019. En total repartiranse 273.200 euros entre todos os colectivos.
O obxectivo desta convocatoria é a promoción e o impulso de actividades culturais, educativas, deportivas e xuvenís. Poden concorrer a estas axudas todas as entidades veciñais, deportivas, culturais, xuvenís, comisións de festas, ANPA, centros de ensino público e outros colectivos sen ánimo de lucro que figuren inscritos no Rexistro Municipal de Entidades do Concello de Oleiros. O prazo para presentar solicitudes estará aberto ata o próximo 30 de setembro.
