[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
O Concello de Oleiros contrata diversas obras no municipio por 345.982 euros
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]O Concello de Oleiros adxudicou catro importantes obras en diversas localidades do municipio. O importe total dos tres proxectos contratados ascende a 345.982 euros.
A construción dunha cuberta e a realización doutras melloras na pista polideportiva da casa do pobo de Dorneda foi adxudicada por 154.884 euros. A empresa encargada de facer a obra será Melcor.
Nas vindeiras semanas, vaise proceder tamén á restauración e tratamento da madeira do paseo marítimo Manuel Rial de Mera, do parque das Galeras, da pasarela de acceso ao castelo de Santa Cruz e do parque da urbanización O Graxal. O custo desta actuación, adxudicada á empresa Jardinería Arce, é de 92.982 euros.
Tamén foron contratados os traballos de asfaltado da avenida Rosalía de Castro, en Perillo, por 70.549 euros á empresa López Cao. Ademais desta actuación, renovaranse as beirarrúas e as redes de servizos públicos de auga e saneamento.
Outra das obras adxudicadas foi a da mellora da iluminación no Balcón de Maianca. Ten un custo de 27.567 euros e será realizada pola empresa Celso Núñez.[/vc_column_text][/vc_column][/vc_row]
