[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
O Concello traslada á Fiscalía a dimisión forzosa da directora do Luis Seoane por posible coacción
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
O Concello de Oleiros deu traslado no día de hoxe á Fiscalía dos feitos acontecidos coa directora do Colexio Luis Seoane, á que a inspección de educación obrigou a dimitir do seu cargo.
Os feitos que denuncia o Concello aconteceron a raíz do gravísimo abandono dun neno de 4 anos durante toda unha mañá nun autobús por parte da compañía que presta o servizo de transporte escolar. Con posterioridade, a directora do centro foi obrigada a dimitir froito das ameazas da inspección, tal e como manifestou publicamente en diversos medios de comunicación.
Como parte da comunidade educativa e en base ás facultades que en materia educativa lle recoñece a lei, o Concello de Oleiros pretende que se esclarezan os feitos e se investigue pola Fiscalía a posible comisión de delitos por parte da inspección de educación. As actitudes doutras épocas pasadas empregadas para obrigar a dimitir á directora do CEIP Luis Seoane non poden tolerarse, polo ben do ensino público e do normal funcionamento democrático da administración pública.[/vc_column_text][/vc_column][/vc_row]
