O Concello de Oleiros adxudicou as obras de urbanización do POL-31 que afectan aos terreos existentes entre a praza da Rabadeira e a Casa do Concello, no centro de Oleiros. As obras terán un custo de 621.352,41 euros e comezarán a executarse a finais do mes de xaneiro.

Esta nova urbanización permitirá a ampliación da praza da Rabadeira e do Parque Rigoberta Menchú. Tamén está prevista a apertura dunha nova vía que conectará a rúa Obelisco coa praza de Galicia. Para levar adiante o proceso de urbanización será preciso derruír unha serie de construcións existentes nos terreos afectados.