[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Ángel García Seoane toma posesión como deputado provincial
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]Ángel García Seoane tomou posesión como deputado provincial no pleno de constitución da nova corporación celebrado esta mañá na Deputación da Coruña. O alcalde de Oleiros presidiu a mesa de idade e entregou o bastón de mando ao presidente provincial, Valentín González Formoso.
Ángel García Seoane, que xa foi deputado entre os anos 1979 e 1983, desenvolveu un importante traballo durante a pasada lexislatura e conseguiu, entre outras cousas, poñer fin ás prácticas partidistas e de dubidoso sustento legal do anterior presidente Diego Calvo, que chegou a adxudicar máis de 62 millóns de euros a dedo. O presidente de Alternativa dos Veciños promoveu diversos asuntos de alcance provincial, como a posta en marcha dunha investigación científica por parte da Universidade de Santiago para erradicar as velutinas ou un protocolo de colaboración entre municipios para eliminar os plumachos do territorio.
Ante a falta de persoas tituladas para garantir a seguridade nas praias e nas piscinas públicas, García Seoane conseguiu que a Deputación ofertara cursos gratuítos para a formación de socorristas. O alcalde de Oleiros tamén denunciou a adquisición dunha parcela en Coristanco por 248.000 euros, cando o seu valor de mercado era de 55.000 euros, e o pago de 230.000 euros por unha exposición de coches, cuxo prezo real era de 22.000 euros.[/vc_column_text][/vc_column][/vc_row]
