Raúl Varela, voceiro municipal de Alternativa dos Veciños de Cambre, solicitou a reparación desta marquesiña, situada no Lugar da Rocha en Anceis, posto que se atopa co teito totalmente roto.
Cabe destacar que esta parada é un punto diario de recollida de escolares que non poden resgardarse nos días de mal tempo. Veciñanza que emprega a diario a marquesiña denunciou que, a pesar de ter avisado ao Concello, non se puxo solución ao problema.
