Raúl Varela, candidato de Alternativa dos Veciños Cambre insiste na urxencia de dispoñer dun Plan Xeral de urbanismo que permita un desenvolvemento ordenado e sostible en  Cambre.

Desde Alternativa dos Veciños queremos fomentar a calidade de vida de Cambre. Non se pode nin se debe seguir a utilizar as normas subsidiarias que poden chegar a hipotecar futuros desenvolvementos urbanos. As parcelas baleiras no entorno do Temple, da Costa da Tapia e nos lindes da N-VI non poden consolidarse con máis ladrillo. En Cambre fan falta máis parques e zonas verdes.

Faremos todo o posible para que Cambre conte cun Plan Xeral e progrese. Estaremos no lugar que a veciñanza decida poñernos o domingo, pero sempre defendendo os intereses xerais do pobo e non outros particulares, desde calquera posición.