Alternativa impulsa así un reforzo dos mecanismos de transparencia e fiscalización para garantir un uso responsable dos recursos públicos.
A formación considera prioritario exercer unha oposición no control económico municipal, especialmente tras a situación de endebedamento xerada durante o anterior mandato do Alcalde, o Señor Mouriño.
Neste contexto solicitouse a elaboración dun informe detallado que contemple toda a información relativa ao endebedamento municipal, que permita aos diferentes grupos avaliar o estado real das arcas municipais.
Alternativa esixe que o informe inclúa:
- Importe total da débeda que a día de hoxe ten o Concello
- Concepto ou finalidade a que corresponde cada unha das débedas
- Exercicio ao que corresponde cada débeda
- Prazo de vencemento de cada unha de elas, se procede
- Cantidade pendente de pagamento de cada unha das débedas
