Alternativa dos Veciños salienta as oportunidades turísticas do municipio e lamenta a falta de coidado do medio ambiente por parte dos Gobernos anteriores, especialmente na praia urbana das Delicias.

A mala xestión e a falta de preocupación pola contorna provocaron que Sada fose coñecido en moitas ocasións polo feísmotan tristemente asociado a certas zonas de Galicia. No noso concello é necesario un proxecto que, como o de Alternativa, defenda o patrimonio natural e o medio ambiente. É imprescindible loitar para mellorar a calidade das nosas praias, especialmente a das Delicias. Os areais urbanos teñen unhas posibilidades infinitas que pola falta de mantemento e desidia non atraen a un turismo que sería vital para a economía de Sada.

Este mércores 15 de maio ás 20 horas o noso grupo celebrará un encontro coa veciñanza no Centro Social de Carnoedo para presentar esta e outras moitas propostas para o municipio.