O obxectivo da proposta é que os parques infantís do municipio cumpran cos estándares actuais de inclusión, seguridade e accesibilidade, correxindo o desequilibrio entre os parques infantís das diferentes parroquias e afontando a obsolescencia de parte das instalacións.
Desde Alternativa destacan que esta revisión gobal permitirá unha planificación global e ordenada que facilitará a toma de decisións en función ás necesidades reais de cada zona e do estado de conservación de cada espazo.
O grupo puxo en valor a importancia dos parques infantís non só como espazos de xogo, senón tamén como puntos de encontro, convivencia e socialización no municipio.
Con esta proposta, Alternativa continúa na súa liña de impulsar iniciativas orientadas á mellora e posta en valor dos espazos públicos, coa finalidade de que a veciñanza dispoña de infraestruturas útiles, seguras e adaptadas ás diferentes necesidades actuais.
