Alternativa dos Veciños pretende mellorar a seguridade de Bergondo ampliando o servizo que presta na actualidade a Policía Local. A candidatura que encabeza Juan Fariña quere ampliar o cadro de persoal para poder cubrir noites, fins de semana e festivos.

“Queremos incrementar a seguridade cidadá do noso municipio. Cremos que é posible aumentar o cadro de traballadores da Policía Local para poder ampliar horarios de vixiancia”, dixo o candidato Juan Fariña.