Ante a progresiva normalización que se está a producir, Alternativa dos Veciños reclama que a Xunta de Galicia ordene ás compañías de transporte que volvan a prestar o servizo coas frecuencias habituais. Debido ás restricións impostas no número de viaxeiros por autobús, mesmo podería ser preciso incrementar o número de autobuses nas liñas para prestar o servizo que demanda a cidadanía.

Veciños e veciñas de todos os municipios da comarca da Coruña están a chegar tarde aos seus postos de traballo por non poder coller o autobús habitual polos límites de viaxeiros establecidos. Estanse a ver especialmente prexudicadas por esta situación as persoas das últimas paradas dos percorridos.