Alternativa dos Veciños Culleredo propón un artellamento supramunicipal en forma de Área Metropolitana para ofrecer solucións prácticas aos problemas comúns da comarca.

A través deste ente que, en ningún caso, suporá unha duplicidade, os municipios da comarca poderán abordar conxuntamente políticas de desenvolvemento sostible para mellorar o emprego, o urbanismo, o transporte público e esixir o compromiso doutras administracións coa área metropolitana máis importante de Galicia.

Precisamos dunha xestión seria co local e a fórmula da Área Metropolitana daranos máis forza á hora de reclamar conxuntamente a mellora das infraestruturas, o dragado da Ría do Burgo ou a calidade do transporte público.