[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
As eleccións primarias de Oleiros celebraranse o sábado 2 de febreiro no Centro Cívico de Santa Cruz
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]Máis de 250 persoas participaron na asemblea xeral de Alternativa dos Veciños, na que foron presentados os candidatos que participarán nas eleccións primarias de Oleiros. A votación para elixir ás persoas que conformarán a lista electoral, na que poderán votar todos os veciños e veciñas do municipio, terá lugar o vindeiro sábado día 2 de febreiro, de 11 a 19 horas, no Centro Cívico de Santa Cruz, na rúa do Hotel Portocobo.
María José Varela, José Manuel Caridad e Gonzalo López representarán a Dorneda nas primarias. Rosa Méndez, Igor Pérez e Nanda Pérez foron as elixidas en Dexo. De Nós acudirán Belén Taboada, Antonio Molinos e Óscar Brandariz. Por Mera Marga Figueroa, Pablo Cibeira, María Siso, Mapi Taibo e Francisco Pita. Os candidatos de Oleiros serán Teresa Vázquez, Cristina Cebreiro e Noé Espantoso. En Iñás escolleron a Jaime Rumbo, Óscar Deus e Pamela Vázquez. En Liáns sairon elixidos Esther Garrido, María José Santos, Gonzalo Cancela e Marta Martínez. E na asamblea celebrada en Perillo Ángel García Seoane, Sandra Fernández, Luismi Escourido e María Fraga foron os máis votados.
En canto ás próximas eleccións municipais de maio a asemblea foi informada de que os distintos grupos existentes nos concellos da comarca xa están a traballar para a campaña electoral. Tal e como informou o presidente de Alternativa, Ángel García Seoane, está previsto que nas vindeiras semanas se anuncien as persoas que encabezarán as listas así como todos os integrantes das candidaturas.
A asemblea tamén aprobou a modificación dos estatutos, que tiveron que ser adaptados ás novas esixencias legais e que permiten incorporar á Executiva a un representante de cada municipio con representación nas corporacións.[/vc_column_text][/vc_column][/vc_row]
