Alternativa dos Veciños de Arteixo solicitou unha reunión co conselleiro de sanidade, Jesús Vázquez Almuíña, para solicitar unha mellora do servizo de sanidade pública no municipio. O gabinete do conselleiro comprometeuse a recibir a representantes de Alternativa Arteixo nas primeiras semanas do ano.

As principais demandas de Alternativa dos Veciños son incrementar o persoal sanitario nos centros de saúde do Concello de Arteixo e dotar a uns dos dous centros de Atención Primaria do municipio dunha sala de radioloxía.