Para Alternativa dos Veciños, o deporte é un dos nexos de unión máis importante e enriquecedor entre a veciñanza. Ademais, é necesario prestar un a maior apoio ás entidades deportivas como axentes sociais fundamentais na vida de Arteixo.

“Propoñemos a mellora dos equipamentos e infraestruturas do municipio, o fomento do deporte de base, a creación de subvencións para deportistas que participen en competicións internacionais, a dinamización da actividade física e a creación de competicións, cursos e actividades de ámbito municipal”, explicou o candidato Antonio Patiño.