Alternativa dos Veciños de Arteixo solicita que se permita á veciñanza asistir ao pleno da corporación, xa que actualmente non hai en vigor ningunha normativa sanitaria que prohiba asistir.

Por suposto que aínda estamos en pandemia, pero débense adoptar as medidas necesarias e tentar ir normalizándoo todo. As sesións plenarias xa se están celebrando presencialmente e é por iso que se debe permitir a presenza de publico. Noutros concellos da comarca xa levan varios meses celebrando as sesións plenarias presencialmente e permitindo a asistencia de publico.

“Actualmente non hai ningunha normativa sanitaria en vigor que diga que non pode haber publico nas sesións plenarias. Non se pode privar á cidadanía de participar na vida política municipal. Agora algúns utilizan o Covid como escusa para todo” apunta Juanfran Martínez, coordinador de Alternativa en Arteixo.
“O Goberno Municipal sabe que ían asistir ao pleno representantes de Alternativa dos Veciños para preguntar por diversos temas de importancia tanto para o municipio como para a veciñanza de Arteixo e por iso non permiten a presenza de publico. E o peor de todo, os partidos da oposición, o BNG e o PSOE, permanecen calados ante esta actitude do Goberno Municipal. É un escándalo” matiza Juanfran Martínez.