Alternativa dos Veciños destaca as carencias do municipio a nivel de equipamento e sinala a necesidade de mellorar infraestruturas como a rede de sumidoiros e as beirarrúas.

A candidata á alcaldía de Sada por Alternativa dos Veciños, María Nogareda, destaca a necesidade de mellorar moitos dos equipamentos do municipio: “A rede de sumidoiros, a construción de beirarrúas, máis marquesiñas, completar o alumeado. Son moitas as necesidades do municipio en materia de equipamento público”, advirte Nogareda.

“Tamén é necesaria a potenciación de locais sociais e outros espazos de reunión para a xuventude e a terceira idade, así como infraestruturas deportivas”, sinala a canidadata de Alternativa en Sada.

Alternativa dos Veciños Sada celebra un encontro coa veciñanza este xoves 16 de maio ás 19:30 horas na Casa da Cultura de Meirás.