Alternativa trasladou ao Concello de Cambre as numerosas queixas recibidas pola turbidez da auga estes días en diversos núcleos do municipio.

Dende as zonas máis urbanas como Cambre, Barcala e Temple ata as rurais como Cecebre están a sufrir un abastecemento de auga precario nestes últimos días. Veciños e veciñas achegaron a Alternativa a súa preocupación pola nula información por parte do concello sobre o episodio de turbidez, que está a xerar un gasto engadido para as familias (entre a auga que se tira e a embotellada que teñen que comprar).