Dias despois de que Alternativa dos Veciños realizase unha campaña nas redes sociais de denuncia das graves deficiencias que presentan varias obras no Temple, o Concello de Cambre obriga á empresa adxudicataria a repetir a obra de mellora da pavimentación do Paseo Marítimo do Temple.

A principio deste mes, dando voz a veciñanza da zona, Alternativa de Cambre trasladou o descontento polos acabados das obras de reorganización do Temple. A denuncia parece axudou a impulsar unha revisión por parte dos técnicos municipais que tamén detectaron deficiencias que agora a empresa terá que subsanar.

Esperemos este non sexa un exemplo puntual e se leve tamén ás melloras das actuacións feitas tanto noutras rúas como na Barcala e Cambre.