Alternativa dos Veciños de Arteixo presentou unha solicitude no Concello para que se lle solicite á Demarcación de Costas a concesión do porto de Sorrizo, para que o Concello de Arteixo poida mantelo e conservalo axeitadamente. Esta instalación atópase na actualidade totalmente desatendida e abandonada, presentando un serio risco para a seguridade das persoas usuarias.

O porto de Sorrizo é moi utilizado por pescadores afeccionados. Xunto co de Suevos son os únicos portos naturais de Arteixo.