[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Alternativa de Arteixo solicita a Sanidade un cribado masivo no municipio
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
Alternativa dos Veciños de Arteixo solicitoulle a Consellería de Sanidade e a Xerencia de Xestión Integrada da Coruña e Cee, que poñan en marcha un cribado da poboación de Arteixo ante o importante incremento de novos casos diagnosticados.
Atendendo ao importante incremento de casos positivos SARS-CoV-2 no municipio de Arteixo e, tendo en conta que nos datos oficiais achegados polo SERGAS o concello de Arteixo xa supera os 500 novos casos diagnosticados e unha incidencia acumulada que supera os 250 casos por cada 100.000 habitantes, entendemos que para poder localizar aos afectados e reducir a súa incidencia, é imprescindible levar a cabo un cribado masivo da poboación mediante proba PCR.
“Supostamente, o Sergas comunicoulle ao alcalde de Arteixo que están a estudar a posibilidade de facer un cribado en Arteixo. Pero, non entendemos o que hai que estudar e ata onde teñen que incrementar os positivos para que a Xunta e o Sergas actúen con responsabilidade”, apunta Noelia Martínez, voceira de Alternativa dos Veciños en Arteixo.
“Entendemos que os datos son o suficientemente alarmantes como para que se adopten medidas para poder localizar aos afectados e reducir a súa incidencia”, matiza Noelia Martínez.
[/vc_column_text][/vc_column][/vc_row]
