[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Alternativa de Arteixo insiste na apertura do Camiño da Costa, en Barrañán
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
Alternativa dos Veciños de Arteixo volveu solicitar ao goberno municipal que recolla no inventario de bens municipais a continuación do Camiño da Costa que da acceso a praia de Barrañán, xa que un particular se quere apropiar do mesmo para facer negocio.
Actualmente, o particular que se quere apropiar do camiño e privar o acceso aos propietarios das parcelas lindeiras e, tamén privar a todos os cidadáns o acceso polo mesmo á praia de Barrañán, pretende alugar unha parcela da súa propiedade, lindeira ao camiño, e incluír no aluguer o citado camiño.
“Despois de recibir aviso por parte dalgúns veciños, puidemos comprobar nalgún portal inmobiliario como a persoa que pretende apropiarse deste camiño público, que tamén dá acceso a unha parcela da súa propiedade, ten esta parcela en alugueiro e onde tamén inclúe o citado camiño”, apunta Noelia Martínez, voceira de Alternativa dos Veciños en Arteixo.
“Non se pode entender que alguén pretenda apropiarse dun ben público que debería pertencer ao concello de Arteixo e que o goberno municipal mire para outro lado. Unha vez máis, o que está a suceder con este camiño deixa patente o caos urbanístico no que se atopa o municipio de Arteixo. Os diferentes gobernos municipais, algúns con maioría absoluta, foron incapaces de aprobar un plan para ordenar o territorio e agora Arteixo atópase nun caos urbanístico. Mesmo, chegamos a tal punto, onde alguén colle e apodérase dun ben historicamente público para facer negocio e o concello atópase totalmente desamparado e indefenso”, matiza Noelia Martínez.
[/vc_column_text][/vc_column][/vc_row]
