Alternativa dos Veciños de Arteixo denuncia vertidos de fecais ao Rego Acibeiro nunha estación de bombeo da rede municipal de saneamento no lugar dos Bugallales, na parroquia de Armentón. O bombeo non funciona adecuadamente, e é por iso, que está vertendo continuamente augas residuais ao Rego Acibeiro.

“O Goberno municipal é perfectamente coñecedor desta situación, pero como xa sucedeu e segue sucedendo noutros puntos do municipio onde se producen vertidos de augas residuais, o equipo de goberno mira para outro lado e non fan absolutamente nada” apunta Juanfran Martínez, coordinador de Alternativa en Arteixo.

“É importante ter en conta que o Rego Acibeiro desemboca no Río Sisalde, antes da captación de auga. Por tanto, xa todos sabemos onde acaban as bacterias que conteñen as augas fecais” matiza Juanfran Martínez.