Alternativa dos Veciños de Arteixo celebrará asembleas abertas en todas as parroquias do municipio, para coñecer as demandas e necesidades da veciñanza. A primeira destas asembleas será coa veciñanza de Oseiro este venres día 18, ás 21 H na Praza de Galán, en Sol y Mar.

A celebración destas asembleas foi un dos compromisos adquiridos na pasada campaña electoral, pero que non se puideron convocar con anterioridade como consecuencia da pandemia provocada polo covid. “Vímonos obrigados a atrasar a celebración das asembleas abertas, aínda que durante todos estes meses de restricións, cumprindo sempre coas normativas sanitarias, percorremos e visitamos as parroquias do municipio para atender as demandas e necesidades dos veciños e veciñas” apunta Juanfran Martínez, coordinador de Alternativa en Arteixo.