Alternativa dos Veciños de Arteixo solicita ao Goberno municipal que informe da situación na que se atopan os orzamentos do ano 2021. Xa iniciado o ano, aínda non se sabe nada dos orzamentos cos que contará o municipio de Arteixo.

O Goberno local segue demostrando que non é quen de xestionar un concello da importancia de Arteixo. Mesmo, contando cunha ampla maioría absoluta, non aproba os orzamentos anuais do Concello en tempo e forma.

Os orzamentos chegan todos os anos tarde, mal e arrastro. Uns orzamentos onde non se conta para nada coas diferentes entidades veciñais, socio-culturais e deportivas. Noutros concellos da comarca, por exemplo Oleiros, a mediados de novembro xa tiñan aprobados os orzamentos para o próximo ano.