“O alcalde pretende darlle un complemento de produtividade aos funcionarios do Concello de Culleredo, malia que non hai moito dicía que había que aforrar para políticas socias. Non poñemos en dúbida a profesionalidade dos empregados públicos do Concello, pero non se pode dicir que se aforra en gasto de luces de nadal –co que estamos de acordo-, para despois tomar esta medida, mentres os autónomos e as pemes están esperando as axudas que proveñen da Deputación”, dixo o voceiro de Alternativa en Culleredo Eduardo Mourelle.

Incomprensiblemente, 9 meses despois do inicio da pandemia, os veciños e veciñas de Culleredo están véndose obrigados a solicitar cita previa para entrar na Casa do Concello. Non está permitido o paso para facer ningunha xestión cando noutras administracións trámites diarios como certificados, solicitudes de licenza, empadroamentos… si son atendidos de xeito presencial e ao momento. O sistema de acceso imposto polo Concello de Culleredo aseméllase máis a un control policial que a un servizo público para a cidadanía.