[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
Alternativa dos Veciños contra a penalización do aborto en El Salvador
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
O Goberno municipal de Alternativa dos Veciños vai presentar no pleno de Oleiros unha moción para defender os dereitos das mulleres salvadoreñas, instando ao Goberno de España a que conmine ás autoridades salvadoreñas a adecuarse ás esixencias do Convenio Americano de Dereitos para acabar con este tipo de vulneración dos dereitos humanos.
A dureza coa que se castigan os abortos na República de El Salvador, baixo a cualificación de homicidios agravados, fai que moitas das mulleres que pasan por este transo reciban condenas de prisión de entre 30 e 50 anos. Este foi o caso de Manuela, unha muller sen recursos e analfabeta dunha zona rural que padecía un linfoma non diagnosticado e que tras ingresar no hospital por unha urxencia obstétrica despois de perder o fillo que estaba xestando foi denunciada pola médica que a atendeu por un posible aborto. Foi detida no mesmo hospital, ingresada en prisión e posteriormente enxuizada e condenada a 30 anos. Manuela faleceu no cárcere despois de permanecer algo máis de dous anos na cadea durante os que non recibiu sequera os coidados médicos que lle foran prescritos para frear o seu cancro.
Por desgraza este caso non é único na xurisprudencia da República de El Salvador.
[/vc_column_text][/vc_column][/vc_row]
