Alternativa dos Veciños participará activamente na Marcha ao Pazo de Meirás do sábado 10 de novembro para esixir a devolución do Monumento ao patrimonio público, tal e como o manifestou no seu apoio público no pleno da Deputación da Coruña á moción relativa a esta marcha e esixindo unha solución inmediata para a recuperación do Pazo.

O sábado 10 de novembro, a partir das 12.00 h., sairá a 5ª Marcha Cívica pola Devolución do pazo ao patrimonio público do Monumento ás Vítimas da Represión Franquista, no paseo marítimo de Sada, cara o pazo, onde ás 13.00 h. haberá unha Concentración pedindo a devolución do Monumento. A partir das 11.00 ata as 12.45 horas haberá un servizo gratuito de autobuses a disposición das persoas que queiran acudir pola súa conta á concentración.