Alternativa demanda melloras para as carreteiras que circulan por Aldea de Arriba en Cecebre, nos lindes do Concello, posto que presentan numerosos desperfectos no firme e a veciñanza está xa cansa de protestar.

Trátase dun dos puntos do municipio que sufre a desidia do Goberno Municipal por situarse nos límites, cuns accesos que teñen un deterioro no asfalto que resulta un problema, sobre todo, para quen emprega a diario as vías.

Alternativa xa solicitou en varias ocasións maior atención para as diferentes parroquias que se atopan afastadas dos núcleos máis urbanos. Nos percorridos que o grupo municipal está a realizar polas parroquias atópanse grandes diferencias, algo que Alternativa continuará denunciando ata que cheguen as melloras.