[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]
O alcalde solicita a Costas a rexeneración da praia do Porto de Santa Cruz e o arranxo do Xunqueiro
[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]
O alcalde de Oleiros, Ángel García Seoane, mantivo unha reunión telemática co subdirector xeral para a Protección do Mar, Ángel Muñoz Cubillo, para solicitar que desde o Ministerio se realice a rexeneración da praia do Porto de Santa Cruz que precisa dunha achega de area entre a pasarela de acceso ao castelo e o porto. Muñoz Cubillo comprometeuse a estudar o posible proxecto necesario para intentar realizar esta importante actuación que non só melloraría a actual praia senón que ademais evitaría os continuos danos que sofre a estrutura do paseo marítimo ante a actual desprotección á que está sometido.
Ademais deste asunto, o alcalde expuxo a grave situación que se está a vivir no Xunqueiro, en Mera, que foi comunicada á Fiscalía e que requiriría dun mínimo investimento por parte de Costas. Neste caso, o subdirector xeral tamén se comprometeu a estudar a problemática existente dado que é unha competencia da súa titularidade que precisa dunha actuación urxente para evitar novos desprendementos que poidan afectar á estrada.
[/vc_column_text][/vc_column][/vc_row]
