c

Aberto o prazo para solicitar as subvencións para autónomos e microempresas de Oleiros

Está aberto o prazo de solicitude de subvencións para persoas profesionais autónomas e microempresas que visen afectada a súa actividade como consecuencia da pandemia da COVID-19. Este programa ten por obxectivo principal mitigar os efectos negativos que están sufrindo estes profesionais e tratar así de garantir a continuidade e viabilidade económica da súa actividade, contribuíndo a xeración de emprego.

En total repartiranse 585.000 euros e a contía das axudas vai desde os 1.500 ata os 3.000 euros, dependendo das circunstancias de cada empresa e do número de traballadores afectados. Poderán optar ás axudas:

Poderán optar ás subvencións todas as persoas traballadoras autónomas con ou sen traballadores ao seu cargo e microempresas que teñan o seu domicilio fiscal en Oleiros e que se atopen nalgún dos supostos indicados a continuación:

– Afectados polo peche en virtude do disposto no RD 463/2020, do 14 de marzo, polo que se declara o estado de alarma e a súa modificación aprobada no RD 465/22020, do 17 de marzo.

– Afectados polo peche, pero cuxa facturación no 2º trimestre fiscal de 2020 se vira reducida polo menos nun 75% en relación coa media efectuada no semestre natural anterior ao estado de alarma.

– Afectados que se visen na obriga de acollerse a un ERTE (Expedente de Regulación Temporal de Emprego).

O prazo de presentación de solicitudes finaliza o 25 de novembro, e o trámite ten que realizarse a través da Sede Electrónica do Concello. Para obter máis información, as persoas interesadas poden contactar co Centro Municipal de Formación Isaac Díaz Pardo nos Regos mediante os teléfonos 981610319 e 981631706.

Novas relacionadas