Boa parte das estradas da Xunta fóron pensadas exclusivamente para os coches, coma se os lugares que atravesan non estivesen habitados por persoas. En moitos lugares veciñas e veciños están fartos de ter que sortear os coches polos cómaros ou poñerse en risco.
É o que acontece por exemplo na rúa Isaac Díaz Pardo, que comunica Os Regos con Santa Cruz, onde a Xunta se nega a facer beirarrúas ou andéns ciclopeonís para preservar a seguridade das persoas.
Moitas das estradas que dispoñen destes itinerarios públicos pensados para camiñar —e nalgúns casos tamén para ir en bici— existen porque foron realizadas polo Concello, onde a Alternativa estableceu como prioridade a seguridade viaria. Pero é a administración propietaria da vía pública a que debería promover este tipo de obras tan necesarias para a convivencia e a calidade urbana.
